అనీష్ తేజేశ్వర్ దర్శకత్వం వహిస్తూ హీరోగా నటించిన చిత్రం లవ్ OTP. విజయ్ ఎం రెడ్డి నిర్మాతగా వ్యవహరించగా ఆనంద్ రాజా విక్రమ్ సంగీత దర్శకత్వం వహించారు. స్వరూపిని, జాహ్నవిక హీరోయిన్లుగా నటించగా రాజీవ్ కనకాల గారు, తులసి గారు, నాట్యరంగ, చేతన్ రంగా ఇతర ముఖ్యపాత్రలో నటించారు.
కథ :
కథ విషయానికొస్తే ఈ తరం ప్రేమలో ఉండే ఎమోషన్ ని పెయిన్ ని ఎంటర్టైన్మెంట్ జోడించి చాలా బాగా చిత్రీకరించారు. సన (స్వరూపిణి) అక్షయ్ (అనీష్) ని చూసి తొలిచూపులోనే ప్రేమలో పడుతుంది. తండ్రి (రాజీవ్ కనకాల) అంటే భయపడే అక్షయ్, సనా ప్రేమని అంగీకరించాలా లేదా అన్న సందేహంలో ఉంటాడు. అలా సందేహిస్తూనే తన ప్రేమని అంగీకరిస్తాడు. కానీ బలవంతంగా తన ప్రేమను ఒప్పుకున్నాను అని తెలుసుకుని బ్రేకప్ చెప్పి నక్షత్ర (జాహ్నవిక) ని ప్రేమిస్తాడు. అక్షయ్ గత ప్రేమని తెలుసుకున్న నక్షత్ర తన ప్రేమను అంగీకరించిందా లేదా? అక్షయ్ తన ప్రేమను తిరస్కరించడం తెలుసుకున్న సన ఎలాంటి నిర్ణయం తీసుకుంది? తన కొడుకు అక్షయ ప్రేమ విషయాలు తెలుసుకున్న తండ్రి ఎలాంటి నిర్ణయం తీసుకున్నాడు? తెలుసుకోవాలంటే ఖచ్చితంగా లవ్OTP సినిమా చూడాల్సిందే…
నటీనటుల నటన :
కన్నడలో ఎన్నో సినిమాలు చేసిన 14 ఏళ్లుగా తెలుగులో తన ఎంట్రీ కోసం ఎదురుచూస్తున్న అనీష్ కి ఇది కచ్చితంగా మంచి బ్రేక్ ఇచ్చే సినిమా అవుతుంది. దర్శకత్వ బాధ్యతలు చేపట్టి కూడా నటనలో అద్భుతమైన ప్రదర్శన కనబరిచాడు. హీరోయిన్స్ స్వరూపిని, జాహ్నవిక నటనపరంగా మంచి మార్కులు అందుకున్నారు. రాజీవ్ కనకాల గారు తండ్రి పాత్రలో కామెడీని అలాగే ఎమోషన్ ని అద్భుతంగా పండించారు. స్నేహితుడు పాత్రలో నాట్య రంగ కామెడీని అలాగే ఎమోషన్ ని చాలా బాగా పండించాడు.
సాంకేతిక విశ్లేషణ :
మంచి కథా బలంతో దర్శకుడిగా అనీష్ తన ప్రతిభను కనబరిచాడు. హర్షవర్ధన్ సినిమాటోగ్రఫీ శరత్ కుమార్ ఎడిటింగ్ వర్క్ చాలా బాగున్నాయి. ఆనంద్ రాజా విక్రమన్ మ్యూజిక్ సాంగ్స్ సినిమాకి పాజిటివ్.
సారాంశం : ఓవరాల్ గా ఇది ఈ తరం యువతకు నచ్చే ఒక మంచి ప్రేమ కథ చిత్రం.
రేటింగ్ : 3/5
