“అందరికి విజయ్ దేవరకొండ, మాకు మాత్రం బంగారు కొండ” అంటూ నిర్మాత బన్నీ వాస్ విజయ్ ను ది గర్ల్ ఫ్రెండ్ సక్సెస్ మీట్ లో ప్రశంసించారు. గీత ఆర్ట్స్ బ్యానర్ పై అల్లు అరవింద్ సమర్పణలో నవంబర్ 7వ తేదీన ప్రేక్షకులు ముందుకు వచ్చిన ది గర్ల్ ఫ్రెండ్ చిత్రం మంచి విజయం సాధించడంతో చిత్ర బృందం సక్సెస్ మీట్ పెట్టడంతో ఆ మీట్ కు ముఖ్యఅతిథిగా హాజరైన నటుడు విజయ్ దేవరకొండ ను నిర్మాత బన్నీ వాస్ పొగుడుతూ తన స్పీచ్ మొదలుపెట్టారు. గీత ఆర్ట్స్ అంటే తన సొంత బ్యానర్ అనే ఫీల్ తో వచ్చి ఆ కార్యక్రమాన్ని సక్సెస్ చేసినందుకుగాను విజయ్ కు థాంక్స్ చెప్పారు.
ఈ సందర్భంగా ఈ చిత్రంలో హీరోయిన్ గా నటించిన రష్మిక గురించి మాట్లాడుతూ తాను ఈ చిత్రంలో అద్భుతంగా నటించారని తెలిపారు. ముఖ్యంగా ఆమె చిత్ర క్లైమాక్స్లో చేసిన పర్ఫార్మెన్స్ గురించి తాను గతంలోనే మాట్లాడినట్లు, అలాగే తాను చెప్పినట్లు ఈ చిత్ర క్లైమాక్స్ థియేటర్స్ లో చాలా బాగా పండిందని అన్నారు. ఇప్పటికే ఎన్నో సినిమాలకు నిర్మాతగా అలాగే ఇతర వ్యవహారాలలో ఎంతో సీనియార్టీ ఉన్న బన్నీ వాస్ ఇలా ఒక చిత్ర స్పందన గురించి ముందుగానే ఒక అంచనా వేయడం అనేది ఆశ్చర్యపోవాల్సిన విషయం కాదు. ఎంతో ఎక్స్పీరియన్స్ ఉన్న ఒక నిర్మాతగా ఆయనకు ఇది ఎంతో సహజమైన విషయం.
“ప్రతి చిత్రం కేవలం ఒక వ్యక్తి చేసే కష్టం కాదు, ఒక చిత్ర బృందం అంతా కలిసి ఒక సినిమాను ముందుకు తీసుకు వెళ్తుంది కానీ ఖచ్చితంగా ఒక వ్యక్తి మాత్రం తన సర్వం ఈ చిత్రం కోసం అర్పిస్తారు. అలా ఈ చిత్రానికి దర్శకుడు రాహుల్ రవీంద్ర ఎంతో బలంగా నిలబడి ఈ చిత్రాన్ని ముందుకు తీసుకుని వెళ్లారు. మీరు నమ్మిన కథను ముందుకు తీసుకెళ్లడంలో సక్సెస్ అయ్యారు. మీ నిజాయితీనీ, మిమ్మల్ని నమ్మి నిర్మాతలే కాక చిత్ర బృందం అంతా మీ వెంట వచ్చారు” అంటూ రాహుల్ రవీంద్ర గురించి అన్నారు.
“ఈ సమయంలో ఎంతోమంది యువతకు బాయ్ ఫ్రెండ్స్, గర్ల్ ఫ్రెండ్స్ ఉంటారు. వారు ఈ చిత్రానికి వెళ్లేందుకు మక్కువ చూపితే వారు సరైన వ్యక్తి, లేదా ఆలోచించుకోవచ్చు” అంటూ ఈ చిత్ర ప్రాముఖ్యతను ప్రేక్షకులు అందరికీ అర్థమయ్యేలా ఎంతో సింపుల్ గా వివరించారు. ఈ విధంగా ఒక నిర్మాత సినిమాను సింపుల్గా వివరించడం అనేది ఒక కొత్త విషయంగా చెప్పుకోవచ్చు. ఈ చిత్రంలోని దీక్షిత్ పాత్రను ఎంతోమంది ప్రస్తుతం బయట చర్చించుకుంటున్నారు. అంతగా చర్చించుకుని దగ్గర విషయంగా అతని పాత్ర పండటం అనేది విశేషం. ఈ సినిమాలోని దీక్షిత్ పాత్రకు కరెక్ట్ అయిన ప్రేక్షకులు బయట దీక్షిత్ ను ఇబ్బంది పెట్టే అవకాశాలు కూడా ఉన్నాయి. దీక్షిత్ ఈ పాత్రలో అంత బాగా నటించారు.
“నేను నా భార్యతో కలిసి ఈ సినిమాకు వెళ్లాను. తను సినిమా చూసిన తర్వాత నా భుజంపై చేయి వేసి బయటకు తీసుకువెళ్లారు. అంటే నేను చాలా మంచి భర్తను అని నాకు అర్థమైంది. ఆ విషయం నాకు ఎంత సంతోషాన్ని ఇచ్చింది” అంటూ తన వ్యక్తిగత అభిప్రాయాన్ని తెలిపారు. ఈ చిత్రం మరింత ముందుకు వెళ్లాలని చిత్ర బృందం అందరికీ శుభాకాంక్షలు తెలుపుతూ తన స్పీచ్ ను ముగించారు.
